सरपंच प्रकाश गाजरे यांच्या पुढाकाराने आदिवासी व सर्वसामान्यांसाठी थेट गावात आरोग्य सुविधा
पारनेर :- राजकारण फक्त भाषणांत न ठेवता प्रत्यक्षात जनतेच्या सेवेत उतरल्यास काय परिणाम होतो याचं उत्तम उदाहरण पोखरी गावाने दिलं आहे. निलेश लंके प्रतिष्ठान आणि म्हसोबा झाप ग्रामपंचायत यांच्या संकल्पनेतून सरपंच प्रकाश गाजरे यांनी घेतलेल्या पुढाकारातून गावाच्या दारी आरोग्यसेवेचा भव्य मेळावा भरवण्यात आला. पारनेर तालुक्यातील पोखरी येथे निलेश लंके प्रतिष्ठान आणि म्हसोबा झापचे सरपंच प्रकाश गाजरे यांच्या संकल्पनेतून रविवार, १० ऑगस्ट २०२५ रोजी एच व्ही देसाई हॉस्पिटल, पुणे आणि मिलेनियम फाउंडेशन यांच्या सहकार्याने मोफत आरोग्य तपासणी शिबिराचे आयोजन करण्यात आले. राष्ट्रवादी काँग्रेसचे नेते दीपक लंके यांच्या हस्ते या उपक्रमाचे उद्घाटन झाले.
दीपक लंके म्हणाले, “गावागावात आरोग्यसेवेचे दरवाजे उघडणं ही खरी जनसेवा आहे. प्रकाश गाजरे यांचा आदर्श इतर गावांनी घ्यावा. आरोग्य आणि सेवा याचा संगम इथे घडला.”
♦️उपक्रमाचे ठळक मुद्दे
- उद्देश: आदिवासी व सर्वसामान्यांना मोफत व दर्जेदार आरोग्य सेवा थेट गावात उपलब्ध करून देणे.
- सुविधा:
- मोफत नेत्र तपासणी
- मोतीबिंदू शस्त्रक्रिया
- माफक दरात चष्म्यांचे वाटप
- जपानी तंत्रज्ञानाद्वारे संपूर्ण शरीर तपासणी
- लाभार्थी: ३००+ रुग्णांनी तपासणी करून घेतली व त्वरित उपचार लाभले.
♦️दुर्गम भागात सेवांचा पाऊस
पोखरी, वारणवाडी, म्हसोबा झापसारख्या भागात मोठ्या प्रमाणावर आदिवासी व गरीब जनता राहते. रुग्णालयापर्यंत जाण्याचा खर्च आणि वेळ यामुळे अनेकांचा उपचार टाळला जातो. पण या शिबिरामुळे तेच डॉक्टर, तेच तपासणी साहित्य आणि तज्ञ सेवा थेट त्यांच्या दारी पोहोचल्या.
यावेळी ज्येष्ठ नेते शशिकांत आंधळे, मोहन रोकडे, सामाजिक कार्यकर्ते सतीश पवार, नामदेव करंजेकर, सरपंच संजय काशीद, पांडुरंग आहेर, साहेबराव करंजेकर, संदीप गुंजाळ, भाऊ चौधरी, बाळासाहेब शिंदे, गणेश वाकळे, विलास आहेर, पांडुरंग भालके, लहू वाळुंज, अनिल आहेर, मुन्ना सय्यद, बन्सी काशिद, भाऊसाहेब कोकाटे, विकास काशिद, सुदाम काशिद, नानाभाऊ काशिद, महेंद्र काशिद, भास्कर कोकाटे, स्वप्नील काशिद, संतोष गाढवे, रामदास पवार (उपसरपंच, पोखरी), अशोक आहेर, कुंडलिक पवार, आदिनाथ वाळुंज, संजय करंजेकर आदींची उपस्थिती लक्षणीय ठरली.
♦️ग्रामस्थांचा उत्स्फूर्त प्रतिसाद
गावकऱ्यांनी निलेश लंके प्रतिष्ठान, सरपंच प्रकाश गाजरे, आणि सहभागी संस्थांचे आभार मानले. पुढील काळातही अशा सेवा उपक्रमांची मालिका सुरू ठेवण्याचा आयोजकांनी निर्धार व्यक्त केला.
